A través do CP Inclúe-Emocióna-t, o xoves e venres, o alumnado de Primaria participou no cole duns obradoiros sobre as emocións. Da man de "La Ciudad Educativa" de Burela, adentráronse na xestión emocional a través do xogo, seguindo as premisas do noso Covasmola 3.0:
- Unha escape room para 3º, 4º, 5º e 6º. A historia da escape room é a seguinte: os alumnos/as foron seleccionados por un laboratorio científico para participar nun programa experimental sobre emocións. Sen embargo, un accidente no laboratorio provocará un escape dun gas que afectará emocionalmente a toda a humanidade e só quedarán eles/as para atopar o antídoto. Pero teñéno que facer antes de 40 minutos senón queren que esa situación sexa permanente. Os que mantiveron a calma e traballaron en equipo, conseguiron superalo, pero non tod@s...
- Un Pictionary emocional para 1º e 2º onde cada grupo representa unha escea (sen falar) sobre unha emoción e o resto terá que adiviñar cal é esa escea e como a xestionaría. Dase un punto por descubrir a situación inicial e outro pola resposta máis orixinal (que deciden entre profesorado e o grupo que represente nese momento). O grupo que máis puntos obtivo foi nominado como o "Delegados emocionais da clase". Fixérono xenial!
