Dende o ano 2014 cada 31 de marzo celébrase o Día Internacional da Visibilidade Trans, que ten como finalidade crear conciencia e sensibilizar á poboación para rematar coa discriminación cara as persoas transxénero. Trátase de reivindicar e loitar por unha educación no respecto e coñecemento da diversidade afectivo-sexual e de xénero.
En decembro de 2019 a banda Trezor presenta ao público unha canción que acompaña a historia real de Cloe, unha nena trans que dende a súa primeira infancia non se identifica co sexo que lle ofreceu o destino. Con esta canción a banda busca romper roles sociais e escénicos a través da súa música e arte visual.