HORARIOS VISUAIS

Continuamos coa implementación de ferramentas visuais. Pasiño a pasiño imos facendo o noso cole máis visual e inclusivo!!! 👀

Xa están funcionando en todas as aulas os HORARIOS VISUAIS: permiten ao alumnado saber o que van facer en cada momento, como se vai desenrolar a xornada escolar e as sesións ou actividades que quedan por facer, o que facilita a anticipación e comprensión de situacións e aporta tranquilidade a todo o alumnado, xa que "ALGÚNS O NECESITAN PERO TODOS BANEFÍCIANSE".

O alumnado segue a ser parte activa do uso desta ferramenta:

-  Nas aulas de infantil, ao finalizar a asemblea, o encargado ou encargada é o responsable de ir montando o horario poñendo os pictogramas e as fotos do profesorado que incide en cada sesión, nunhas tiras horizontais de velcro. Cando van pasando as sesións vai retirando os pictogramas.

 

- En primeiro e segundo de Primaria é o mesmo procedemento en tira horizontal con pictogramas pero xa sen as fotos do profesorado. Os encargados do día son os responsables de colocar os horarios e ir retirando os pictogramas.

 

En terceiro, cuarto, quinto e sexto xa cambia o formato e os colocan en vertical no encerado, ademais van escribindo á beira de cada sesión as actividades que van facer ao longo da mañá. 

ACTIVIDADES DE SENSIBILIZACIÓN

Durante esta semana leváronse a cabo diversas actividades de sensibilización e educación en valores, organizadas por Coeduca en colaboración coa ANPA do colexio. Estas sesións tiveron como obxectivo fomentar a igualdade, o respecto, a convivencia positiva e a coeducación entre o alumnado.

As propostas desenvolvéronse a través de obradoiros participativos e dinámicas adaptadas ás diferentes idades, nas que o alumnado puido reflexionar sobre estereotipos de xénero, roles sociais e resolución pacífica de conflitos, promovendo unha actitude crítica e comprometida coa igualdade de oportunidades.

A colaboración entre Coeduca e a ANPA contribuíu a implicar a toda a comunidade educativa, favorecendo unha aprendizaxe compartida e o fortalecemento dos valores de respecto e corresponsabilidade no ámbito escolar e familiar. 😍😍😍.

XOGOS POPULARES INCLUSIVOS

Este luns celebramos o Magosto no cole e fixemos xogos populares. Cada xogo estaba indicado con carteis con Pictogramas e as instrucións tamén con Pictogramas pola parte de atrás. 

Seguimos traballando por facer o noso cole máis inclusivo e visual!!! 💙💚🧡❤️💜

 

ESCOLAS VISUAIS

 Este curso entramos no programa "Escolas Visuais". 👏👏👏👏👏

Ao longo de todo o curso, recibiremos formación específica para implementar diferentes ferramentas visuais que convertirán o noso cole nunha escola visual, máis inclusiva e accesible.

A primeira ferramenta que implementamos foi a sinalización: a nosa mascota da biblio, Lolo, foi a infantil  contar ao alumnado a importancia de sinalizar o noso cole con debuxos (pictogramas), en primaria xogaron ás adiviñas (headbanz), fixeron debates, xogos de rol,... para sensibilizar ao alumnado e o venres colocaron todos os carteis 😍😍😍.

Xa temos o noso cole completamente sinalizado!!! 🩵🩵