ASOCIACION GUILLEM VEIGA IGLESIAS

Hoxe o alumnado de 4º de E.P. desfrutou do proxecto "Un mar de diversidade II",unha experiencia educativa e sensorial que convidou ao alumnado a mergullarse nun mar simbólico no que cada ser era distinto. A través de dinámicas interactivas, podían poñerse no lugar das persoas con diversidade funcional e experimentar os retos que deben superar no seu día a día.

Con este proxecto, a Asociación Guillem Veiga Iglesias, pretende que,  partindo da comparación entre as diferentes especies do mar, o alumnado teña a oportunidade de comprender e vivir a diversidade de maneira vivencial, fomentando a empatía, o interese polas diferenzas e a reflexión sobre as dificultades que atopan as persoas con diversidade funcional na sociedade.