DÍA MUNDIAL DO AUTISMO

O noso centro, ao igual que o curso pasado, tamén se suma baixo o lema Podo APRENDER. Podo TRABALLAR á campaña do Día Mundial de Concienciación sobre o autismo 2020-2021 da Federación Autismo Galicia. 

Con estes debuxos o que pretenden os nos@s alumn@s  é dar  visibilidade  ao dereito das persoas con TEA a acceder a unha educación de calidade que facilite o seu acceso ao mercado laboral atendendo as capacidades e necesidades individuais de cada un.

Aproveitando que hoxe é o Día Internacional do Libro Infantil, gustaríanos dar a coñecer o conto "El sorprendente mundo de Puzzlita" de Clara María Muñoz Rey- Stolle, onde a través de Puzzlita, unha nena con superpoderes, coñecerás as habilidades das persoas con autismo. A continuación deíxovos un vídeo do conto narrado pola autora.

FELIZ DÍA DA VISIBILIDADE TRANSEXUAL

Dende o ano 2014 cada 31 de marzo celébrase o Día Internacional da Visibilidade Trans, que ten como  finalidade crear conciencia e sensibilizar á poboación para rematar coa discriminación cara as persoas transxénero. Trátase de reivindicar e loitar por unha educación no respecto e coñecemento da diversidade afectivo-sexual e de xénero.

En decembro de 2019 a banda Trezor presenta ao público unha canción que acompaña a historia real de Cloe, unha nena trans que dende a súa primeira infancia non se identifica co sexo que lle ofreceu o destino. Con esta canción a banda busca romper roles sociais e escénicos a través da súa música e arte visual.

A Asociacion de Familias de Menores Trans "Chrysallis" pon a disposición do público contos de libre descarga aos que podedes acceder premendo no seguinte enlace:

Cuentos de libre descarga – CHRYSALLIS 

DÍA MUNDIAL DO SÍNDROME DE DOWN

A Xunta conmemora o Día Mundial do Síndrome de Down coa iluminación de monumentos emblemáticos da nosa comunidade como a Torre do Reloxo na Catedral de Santiago, a Torre de Hércules en A Coruña, a Catedral de Ourense, a Catedral de Lugo e o Convento de San Francisco en Pontevedra. Toda Galicia lucirá o símbolo que representa a Down Galicia.

A maiores aquí vos deixo o himno oficial de Down Compostela (2018)  "Tres en raia" de A Banda da Loba: 

14 DE MARZO DÍA INTERNACIONAL DAS ALTAS CAPACIDADES.

Únete á celebración do Día Internacional das Altas Capacidades para concienciar á sociedade do recoñecemento, divulgación e aceptación d@s nen@s con altas capacidades.

Baixo o hastag #AACCniñasinvisibles tamén queremos destacar a gran diferenza que hai entre a porcentaxe de homes e mulleres valorados de altas capacidades intelectuais a pesar de que hai estudos que demostran que non existe unha desigualdade de xénero na distribución intelectual da poboación.